Barometri i opinionit shqiptar në RMV 2023: shqiptarët gati unanimisht në favor të zyrtarizimit të plotë të gjuhës shqipe, në të njëjtin nivel me maqedonishten
Sa i përket gjuhëve zyrtare të Maqedonisë së Veriut, shumica dërmuese e shqiptarëve (81.1%) besojnë se ndryshimet kushtetuese duhet të çojnë në një status të avancuar për gjuhën shqipe, e cila duhet të përkufizohet si gjuhë zyrtare, në të njëjtin nivel me maqedonishten. Vetëm 1.4% e të anketuarve besojnë se duhet të ruhet përkufizimi aktual, sipas të cilit gjuha shqipe definohet si gjuhë zyrtare e folur nga së paku 20% e popullsisë. 17.5% nuk prononcohen në këtë pyetje.
